നിവിൻ പോളിയുടെ ഏറ്റവും പുതിയ ചിത്രം **’സർവ്വം മായ’**യുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. ഹൊറർ കോമഡി വിഭാഗത്തിൽ ഒരുങ്ങുന്ന ഈ ചിത്രം സംവിധാനം ചെയ്യുന്നത് അഖിൽ സത്യൻ ആണ്. 2025 ക്രിസ്മസ് റിലീസായിരിക്കും ‘സർവ്വം മായ’ എന്ന് അണിയറ പ്രവർത്തകർ അറിയിച്ചു.
“The Ghost next door!” എന്ന ടാഗ്‌ലൈനോടുകൂടിയാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവന്നത്. ഈ പോസ്റ്റർ ഇതിനോടകം തന്നെ നിവിൻ പോളി ആരാധകർക്കിടയിലും സിനിമാ പ്രേമികൾക്കിടയിലും വലിയ തരംഗമായിക്കഴിഞ്ഞു. ‘പാച്ചുവും അത്ഭുതവിളക്കും’ എന്ന വിജയ ചിത്രത്തിന് ശേഷം അഖിൽ സത്യൻ സംവിധാനം ചെയ്യുന്ന ഈ ചിത്രം നിവിൻ പോളിയുടെ കരിയറിലെ ഒരു പുതിയ വഴിത്തിരിവാകുമെന്നാണ് സിനിമാ ലോകം ഉറ്റുനോക്കുന്നത്.
പ്രീതി മുകുന്ദൻ, റിയ ഷിബു എന്നിവരാണ് ചിത്രത്തിലെ നായികമാർ. നിവിൻ പോളിയെ കൂടാതെ അജു വർഗീസ്, ജനാർദ്ദനൻ, അൽത്താഫ് സലിം, വിനീത്, രഘുനാഥ് പാലേരി തുടങ്ങിയ പ്രമുഖ താരങ്ങളും ചിത്രത്തിൽ അണിനിരക്കുന്നുണ്ട്. മ്യൂസിക്കൽ റൊമാന്റിക് ഡ്രാമ, ഫാന്റസി, ഹ്യൂമർ എന്നിവയുടെ ഘടകങ്ങളും ചിത്രത്തിൽ ഉൾക്കൊള്ളുന്നുണ്ടെന്നാണ് സൂചന.
About The Author
