പ്രേക്ഷകരെ ആവേശത്തിലാഴ്ത്തിക്കൊണ്ട് “ഫീനിക്സ്” എന്ന ചിത്രം റിലീസിനൊരുങ്ങുകയാണ്. ഈ ചിത്രം കണ്ട ശേഷം സാക്ഷാൽ ദളപതി വിജയ്, ചിത്രത്തിന്റെ സംവിധായകൻ അനൽ അരശിനെയും നായകനായ സൂര്യ സേതുപതിയെയും നേരിൽ കണ്ട് അഭിനന്ദനങ്ങൾ അറിയിച്ചത് ഇപ്പോൾ വാർത്തയായിരിക്കുകയാണ്.
ആദ്യമായി നായകനായെത്തുന്ന സൂര്യ സേതുപതിക്ക്, തന്റെ ആരാധനാപാത്രമായ വിജയിന്റെ ഈ പ്രശംസ ജീവിതത്തിലെ അവിസ്മരണീയ നിമിഷമാണ്. ആക്ഷൻ രംഗങ്ങളാൽ സമ്പന്നമായ “ഫീനിക്സ്” സംവിധാനം ചെയ്തിരിക്കുന്നത് പ്രശസ്ത ആക്ഷൻ കൊറിയോഗ്രാഫറായ അനൽ അരശ് ആണ്.
വരലക്ഷ്മി, സമ്പത്ത്, ദേവദർശിനി, മുത്തുകുമാർ, ദിലീപൻ, അജയ് ഘോഷ്, ഹരീഷ് ഉത്തമൻ, മൂണർ രമേശ്, അഭിനക്ഷത്ര, വർഷ, നവീൻ, ഋഷി, നന്ദ ശരവണൻ, മുരുകദാസ്, വിഘ്‌നേഷ്, ശ്രീജിത്ത് രവി, ആടുകളം നരേൻ തുടങ്ങിയ വലിയൊരു താരനിര ചിത്രത്തിൽ അണിനിരക്കുന്നുണ്ട്.
സാം സി എസ് സംഗീതവും, വേൽരാജ് ഛായാഗ്രഹണവും, പ്രവീൺ.കെ.എൽ എഡിറ്റിംഗും, അനൽ അരശ് ആക്ഷനും, മദൻ ആർട്ടും, ബാബ ഭാസ്കർ കൊറിയോഗ്രാഫിയും നിർവഹിക്കുന്നു. ഉന്നത നിലവാരമുള്ള സാങ്കേതികവിദ്യകളാണ് “ഫീനിക്സി”ന്റെ പിന്നിൽ പ്രവർത്തിച്ചിരിക്കുന്നത്. പി ആർ ഓ പ്രതീഷ് ശേഖർ.
About The Author
